اسلام آباد : پاکستان میں کورونا ویکسین بوسٹر ڈوز لگوانے کا عمل شدید سست روی کا شکار ہے، صرف 5 کروڑ 21 لاکھ 76755 افراد کو بوسٹر ڈوز لگائی گئی۔
تفصیلات کے مطابق ملک میں کورونا ویکسین بوسٹر ڈوز لگوانے کا عمل شدید سست روی کا شکار ہے، ذرائع نے بتایا کہ ملک میں 5 کروڑ 21 لاکھ 76755 بوسٹر ڈوز لگائی جا چکی ہیں، جس میں پنجاب پہلےاور بلوچستان آخری نمبر پر ہے۔
ذرائع کا کہنا ہے کہ ملک کی 41 فیصد اہل آبادی کو کورونا بوسٹر ڈوز لگ چکی ہے، آزاد کشمیر کی 45 فیصد ، گلگت بلتستان کی 45 فیصد ، سندھ کی 27، کے پی کی 24 فیصد ، اسلام آباد کی 26 اور بلوچستان 14 فیصد آبادی کو بوسٹر ڈوز لگ چکی ہے۔
اس کے علاوہ پنجاب میں 3 کروڑ 66 لاکھ 89748 افراد ، سندھ میں 95 لاکھ 29972 افراد ، خیبرپختونخوا میں 37 لاکھ 88464 افراد ، آزادکشمیر میں 8 لاکھ 64333 افراد کو کورونا بوسٹر ڈوز لگائی جا چکی ہیں۔
ذرائع کے مطابق بلوچستان میں بھی 6 لاکھ 65318 افراد اور اسلام آباد میں 3 لاکھ 40895 کورونا بوسٹر ڈوز لگ چکی ہے۔
