کویت سٹی: معروف گلوکار عیسیٰ المرزوق کی سوشل میڈیا پر ایک ویڈیو وائرل ہوئی ہے جس میں انہیں 300 ڈالر کا انتہائی مہنگا ماسک پہنے دیکھا جاسکتا ہے جو انہوں نے کرونا وائرس سے بچاؤ کےلیے خریدا ہے۔
غیر ملکی خبر رساں ادارے کی رپورٹ کے مطابق گزشتہ روز سے سوشل میڈیا پر ایک ویڈیو وائرل ہورہی ہے جس میں خلیجی ریاست کویت سے تعلق رکھنے والے مشہور گلوکار عیسیٰ المرزوق کو 46000 روپے کا قیمتی ماسک پہنے دیکھا جاسکتا ہے۔
عیسیٰ اپنے مداحوں کو بتارہے ہیں کہ انہوں نے ہلاکت خیز کرونا وائرس سے بچاؤ کےلیے انٹرنیشنل ٹریڈ مارک کا اسپیشل ماسک ‘فندی’ 300 ڈالر میں خریدا ہے جس پر بیشتر افراد یقین نہیں کریں گے۔
الفنان الكويتي #عيسى_المرزوق يثير الجدل بشرائه كمامة ضد #كورونا من ماركة عالمية سعرها 300 دولار (190 يورو) مستعرضاً بها في #فيديو عبر #إنستغرام ومتابعين ينتقدون استعراضه بشيء لا يتناسب مع الحدث الذي يثير مخاوف العالم #فيروس_كورونا #الكويت #نجوم #مشاهير #منوعات #CoronaOutbreak pic.twitter.com/gHsqIq1nbs
— 24.ae | منوعات (@24Entertain) March 2, 2020
عیسیٰ المرزوق کا کہنا ہے کہ میں نے بڑے سائز کا ماسک خریدا ہے کیونکہ چھوٹے ماسک میں مجھے الجھن ہوتی ہے۔
خیال رہے کہ کویت میں اب تک تین سے زیادہ افراد میں مہلک ترین کرونا وائرس کی تصدیق ہوچکی ہے جنہیں قرنطینہ میں رکھا ہوا ہے، کرونا کے شکار افراد میں معروف فنکار عبداللہ بوشہری بھی شامل ہیں۔
