The news is by your side.

Advertisement

کورونا وائرس متاثرين کی تعداد چار کروڑ سے تجاوز کرگئی

عالمی وبا کورونا وائرس اب تک دنیا کے چار کروڑ سے زائد افراد پر حلمہ آور ہوچکا ہے، جس کے نتیجے میں ہلاک ہونے والوں کی تعداد 10 لاکھ سے بھی تجاوز کرگئی ہے۔

پوری دنيا کو ان دنوں وبائی مرض کورونا وائرس کی دوسری لہر کا سامنا ہے جس کے باعث بيشتر ممالک ميں سخت قوانين ایک مرتبہ پھر متعارف کرائے جارہے ہيں۔

محققین کے مطابق دنیا کے بہت سے ممالک میں اب بھی کورونا کے نئے کیسز  میں اضافے کی رپورٹس مل رہی ہیں، گزشتہ برس کے اواخر ميں پھيلنے والا نيا کورونا وائرس چار کروڑ سے زائد افراد کو متاثر کر چکا ہے۔

غیر ملکی خبر رساں ادارے کے اعداد و شمار کے مطابق دنيا بھر ميں نئے کورونا وائرس کے متاثرين کی تعداد چار کروڑ سے تجاوز کر گئی ہے، پير19اکتوبر2020 کو وائرس سے متاثرہ افراد کی تعداد چار کروڑ کا ہندسہ عبور کر چکی ہے جبکہ اس عالمی وبا کے نتیجے میں ہلاک ہونے والوں کی تعداد بھی اب گیار لاکھ تیرہ ہزار آٹھ سو چھیانوے تک ہو چکی ہے۔

رپورٹ میں کہا گیا ہے کہ يہ وائرس دنيا بھر کے دو سو دس ممالک اور خطوں ميں پھيل چکا ہے، امريکا اکياسی لاکھ سے زائد متاثرين اور دو لاکھ بيس ہزار کے قريب اموات کے ساتھ بدستور سب سے زيادہ متاثرہ ملک ہے اس کے بعد بھارت دوسرا سب سے زيادہ متاثرہ ملک ہے۔

ایک امريکی يونيورسٹی کے اعداد و شمار کے مطابق اب تک دو کروڑ74لاکھ افراد اس بيماری سے صحت ياب بھی ہو چکے ہيں۔
يہ امر اہم ہے کہ دنيا بھر ميں متاثر افراد کی نصف سے زائد تعداد تين سب سے زيادہ متاثرہ ممالک ميں سامنے آئی ہے۔

رپورٹ کے مطابق امريکا اکياسی لاکھ چون ہزار سے زائد اور بھارت پچھتر لاکھ پچاس ہزار سے زائد اور برازيل باون لاکھ پينتيس ہزار سے زائد انفيکشنز کے ساتھ سب سے زيادہ متاثرہ ممالک ہيں۔ يہ امر بھی اہم ہے کہ پچھلے صرف سات دنوں ميں ڈھائی ملين کيسز بڑھے ہيں جو اس وائرس کے نمودار ہونے کے بعد سے اب تک سب سے تيز رفتار اضافہ ہے۔

Comments

یہ بھی پڑھیں