کوئٹہ: صوبہ بلوچستان میں کرونا وائرس کے مثبت کیسز کی شرح صفر ہوگئی، صوبے میں تک میں کرونا وائرس سے 378 مریض جاں بحق ہوچکے ہیں۔
تفصیلات کے مطابق صوبہ بلوچستان میں کرونا کیسز میں کمی کا رحجان برقرار ہے، صوبائی محکمہ صحت کا کہنا ہے کہ بلوچستان میں کرونا وائرس کے مثبت کیسز کی شرح صفر ہوچکی ہے۔
محکمہ صحت کا کہنا ہے کہ بلوچستان میں مجموعی طور پر کرونا وائرس سے 35 ہزار 484 افراد متاثر ہوئے جن میں سے 35 ہزار 105 مریض صحت یاب ہو چکے ہیں۔
صوبے میں اب تک میں کرونا وائرس سے 378 مریض جاں بحق ہوچکے ہیں۔
بلوچستان سمیت ملک بھر میں گزشتہ 24 گھنٹوں کے دوران کرونا وائرس کے 105 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 15 لاکھ 27 ہزار 856 ہوچکی ہے۔
نیشنل انسٹی ٹیوٹ آف ہیلتھ کا کہنا ہے کہ گزشتہ 24 گھنٹوں کے دوران کرونا وائرس سے کوئی ہلاکت نہیں ہوئی، کرونا وائرس سے ہونے والی مجموعی اموات کی تعداد 30 ہزار 369 ہے۔
