The news is by your side.

Advertisement

کرونا وائرس: ایک روز میں 80 سے زائد اموات

اسلام آباد: گزشتہ 24 گھنٹوں کے دوران ملک بھر میں کرونا وائرس سے مزید 80 سے زائد اموات رپورٹ کی گئیں جبکہ 3 ہزار سے زائد نئے کیسز رپورٹ ہوئے۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 83 مریض انتقال کر گئے جس کے بعد کرونا وائرس سے مجموعی اموات کی تعداد 26 ہزار 413 ہوگئی۔

این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 3 ہزار 902 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 11 لاکھ 90 ہزار 136 ہوگئی۔

ملک میں کرونا وائرس سے صحت یاب مریضوں کی مجموعی تعداد 10 لاکھ 71 ہزار 976 ہوگئی۔

این سی او سی کے مطابق گزشتہ 24 گھنٹوں کے دوران کرونا وائرس کے 60 ہزار 537 ٹیسٹ کیے گئے، اب تک ملک میں 1 کروڑ 82 لاکھ 23 ہزار 308 کووڈ 19 ٹیسٹ ہوچکے ہیں۔

این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 6.44 فیصد رہی، ملک بھر کے 631 اسپتالوں میں کرونا وائرس کے 5 ہزار 389 کیسز تشویشناک حالت میں ہیں۔

ویکسی نیشن کی صورتحال

ملک میں اب تک 4 کروڑ 89 لاکھ 43 ہزار 904 افراد کو ویکسین کی ایک ڈوز جبکہ 2 کروڑ 5 لاکھ 25 ہزار 969 افراد کو ویکسین کی دونوں ڈوزز لگائی جا چکی ہیں۔

Comments

یہ بھی پڑھیں