The news is by your side.

Advertisement

کروناوائرس: عمرہ زائرین کیلئے سعودی عرب کا بڑا اعلان

ریاض : کرونا وائرس کے باعث ریاست میں پھسنے والے عمرہ زائرین کی ویزہ مدت ختم ہونے کے باوجود سعودی حکومت نے جرمانہ فیس عائد نہ کرنے کا اعلان کردیا۔

غیر ملکی خبر رساں ادارے کی رپورٹ کے مطابق عمرہ کی ادائیگی کےلیے مقدس شہروں (مکہ و مدینہ) کا رخ کرنے والے بیشتر زائرین کرونا وائرس کی وجہ سے سعودی عرب میں پھنس گئے ہیں، خیال رہے کہ عالمی وبا کے باعث درجنوں ممالک نے فضآئی آپریشن معطل کر رکھا ہے۔

وزارت حج و عمرہ نے اعلان کیا ہے کہ کرونا وائرس کے باعث ریاست میں رہ جانے والے ایسے زائرین جن کی ویزہ مدت بھی ختم ہوچکی ہے حکومت نے ان پر عائد جرمانہ فیس عائد نہ کرنے کا فیصلہ کیا ہے۔

وزارت حج و عمرہ کے مطابق ایسے جو سفری پابندیوں کے باعث نہیں جاسکے وہ 28 مارچ 2020 تک جرمانہ اور قانونی کارروائی سے بچنے کےلیے درخواست دائر کرسکتے ہیں۔

درخواست موصول ہونے کے بعد ریاست انہیں پرواز اور سفر کی تفصیلات درج موبائل نمبر پر ایس ایم ایس کے ذریعے بھیجے گی۔

سعودی حکام نے زائرین کو متنبہ کیا کہ اگر عمرہ زائرین اس مہلت سے مستفید نہ ہوئے تو اور مدت گزر گئی تو انہیں قانونی کارروائی کا سامنا کرنا پڑسکتا ہے۔

خیال رہے کہ عمرہ زائرین کے لیے ضروری ہے کہ وہ وقت مقررہ پر ریاست سے نکل جائیں بصورت دیگر ان پر جرمانہ عائد کیا جاتا ہے لیکن موجودہ حالات کے دوران سعودی حکومت نے زائرین کو ویزہ مدت ختم ہونے کے باوجود ان پر قانون کا اطلاق نہ کرنے کا اعلان کیا ہے۔

fb-share-icon0
Tweet 20

Comments

comments

یہ بھی پڑھیں