واشنگٹن : کرونا وائرس میں مبتلا مزید 10 افراد جان کی بازی ہار گئے جس کے بعد ہلاکتوں کی 3166 ہوگئی جبکہ ڈیڑھ لاکھ سے زائد افراد میں اب تک ہلاکت خیز وائرس کی تصدیق ہوچکی ہے۔
تفصیلات کے مطابق چین سے پھیلنے والے مہلک ترین کرونا وائرس کے باعث دنیا بھر میں اموات کا سلسلہ جاری ہے، لیکن وائرس سے متاثرہ ممالک میں سب سے زیادہ متاثر ہے جہاں اب تک تین ہزار سے زائد افراد موت کے گھاٹ اُتر چکے ہیں۔
مقامی میڈیا کی رپورٹ کے مطابق امریکی ریاست نیویارک میں 800 پولیس اہلکاروں میں کرونا وائرس کی تشخیص ہوئی ہے جس کے بعد پانچ ہزار اہلکاروں قرنطینہ کیا گیا ہے۔
امریکی حکام نے ملک بھر میں جان لیوا وبا کی بدترین تباہ کاریوں کے باعث گھروں میں قیام کے احکامات میں ایک ماہ کی توسیع کردی ہے۔
میڈیا ذرائع کا کہنا ہے کہ ہلاکت خیز کرونا وائرس کی وبا میں مبتلا افراد کی تعداد اتنی تیزی سے بڑھ رہی ہے کہ اسپتالوں میں طبی عملے کو ماسک سمیت حفاظتی سامان کی قلت کا سامنا کرنا پڑ رہا ہے۔
امریکی صدر ڈونلڈ ٹرمپ نے حالات کی سنگینی کو دیکھتے ہوئے کہا ہے کہ اگر امریکی شہریوں نے احتیاط نہ کی تو کرونا وائرس انتہائی مہلک ثابت ہوگا۔
