کراچی: صوبہ پنجاب کے بیش تر کاٹن زونز میں بارشوں کے باعث کپاس کی فصل پر سفید مکھی کے حملوں میں کافی کمی آ گئی ہے۔
تفصیلات کے مطابق چیئرمین کاٹن جنرز فورم احسان الحق کا کہنا ہے کہ پنجاب کے بیش تر کاٹن زونز میں کپاس کی فصل پر سفید مکھی کے حملوں میں کمی آ گئی ہے، درجہ حرارت میں کمی سے بھی سفید مکھی کپاس کی فصل پر بہت کم دیکھی جا رہی ہے۔
انھوں نے کہا ڈالر کی قدر میں مسلسل کمی کے باوجود روئی کی قیمتیں 19 ہزار 500 روپے فی من تک مستحکم دیکھی جا رہی ہیں، تاہم رواں سال کپاس کی پیداوار کے لیے مختص ہدف ایک کروڑ 27 لاکھ بیلز کی بجائے 90 لاکھ بیلز تک محدود رہنے کا خدشہ ہے۔
- Advertisement -
چیئرمین کاٹن جنرز فورم کے مطابق پنجاب میں کپاس کی کاشت سرکاری اعداد و شمار کے مقابلے میں کافی کم رقبے پر کاشت ہونے کی اطلاعات ہیں۔
