اسلام آباد : احتساب عدالت نے وزیرخزانہ اسحاق ڈار کیخلاف آمدن سے زائد اثاثوں کا کیس بند کردیا اور کہا نئے ایکٹ کے تحت ہمارا دائرہ اختیار نہیں بنتا۔
تفصیلات کے مطابق اسلام آباد کی احتساب عدالت نے زائد اثاثہ جات نیب ریفرنس میں اسحاق ڈار سمیت دیگر 3 ملزمان کی بریت کی درخواست پر محفوظ شدہ فیصلہ سنادیا۔
محفوظ شدہ فیصلہ احتساب عدالت کے جج محمد بشیر نے سنایا ، فیصلے میں وزیرخزانہ اسحاق ڈار کیخلاف آمدن سے زائد اثاثہ جات کیس بند کردیا گیا۔
عدالت نے ریفرنس نیب کو واپس بھجوا دیااور نیب کی نئی ترامیم کے بعد یہ کیس احتساب عدالت کےدائرہ اختیارمیں نہیں۔
ریفرنس میں اسحاق ڈار ،سسعید احمد،نعیم محمود اور منصور رضارضوی نامزدتھے اور عدالت نے فریقین کے دلائل مکمل ہونے پر فیصلہ محفوظ کیا تھا۔
خیال رہے اسحاق ڈار سمیت دیگر ملزمان کے خلاف دسمبر 2017 میں ریفرنس دائر کیا گیا ، ریفرنس میں تفتیشی افسر سمیت 42 گواہان کے بیانات قلمبند کیے گئے۔
وزیر خزانہ اسحاق ڈار کے خلاف ریفرنس کے تفتیشی افسر نادر عباس تھے۔
