اسلام آباد:سینئر سول جج شبیر بھٹی کی عدالت نے سینیٹر اعظم سواتی کو و روزہ جسمانی ریمانڈ پر ایف آئی اے کے حوالے کردیا۔
تفصیلات کے مطابق تحریک انصاف کے سینیٹر اعظم سواتی کو سینئرسول جج شبیربھٹی کی عدالت میں پیش کیا گیا۔
اعظم سواتی کیجانب سے بابراعوان ، سردارمصروف خان اور قیصر جدون عدالت میں پیش ہوئے۔
ایف آئی اے کی جانب سے اعظم سواتی کے 7 روزہ جسمانی ریمانڈ کی استدعا کی گئی۔
وکلا نے عدالت کو بتایا کہ صرف سیاسی بنیادوں پراعظم سواتی کوگرفتارکیاگیاہے، ان پر رات گئے بدترین تشدد کیا گیا۔
جس کے بعد عدالت نے فوری طور پر اعظم سواتی کا پمز اسپتال میں میڈیکل کرانے کا حکم دے دیا۔
سینئر سول جج شبیر بھٹی نے ایف آئی اے کی استدعا پر فیصلہ سناتے ہوئے اعظم سواتی کا دو روزہ جسمانی ریمانڈ منظورکرلیا۔
عدالت نے کہا کہ آئندہ سماعت پر ملزم اعظم سواتی کا میڈیکل کرا کر پیش کیا جائے۔
