اسلام آباد : سول جج رانا مجاہد رحیم نے خاتون جج کودھمکی دینے کے کیس میں ریمارکس دیئے کہ عمران خان نہیں آتے تو وارنٹ جاری کردوں گا۔
تفصیلات کے مطابق سیشن عدالت میں پی ٹی آئی چیئرمین عمران خان کے خلاف خاتون جج کودھمکی دینے کے کیس کی سماعت ہوئی۔
سول جج رانا مجاہد رحیم کی عدالت میں عمران خان کے وکیل نعیم پنجوتھہ پیش ہوئے اور عمران خان کی جانب سے حاضری سے استثنیٰ کی درخواست دائر کی۔
سیکیورٹی خدشات پر عمران خان کی حاضری سے استثنیٰ کی درخواست دائر کی ، جس پر جج نے ریمارکس دیئے کہ عمران خان نہیں آتے تو وارنٹ جاری کردوں گا، عدالتی اوقات میں نہ آئے تو ناقابل ضمانت وارنٹ جاری کروں گا۔
سیشن عدالت نے ساڑھے 12 بجے تک سماعت میں وقفہ کردیا۔
خیال رہے عدالت نے عمران خان کو کیس کی کاپیاں دینے کے لیے آج طلب کر رکھا ہے، ان کے خلاف تھانہ مارگلہ میں مقدمہ درج ہے۔
Comments
- Advertisement -
