اسلام آباد : اسلام آباد ہائی کورٹ نے کراچی کی 6 یونین کونسلز میں دوبارہ پولنگ کا حکم دینے کا عندیہ دیتے ہوئے کہا کہ دوبارہ پولنگ کا حکم دینے سے قبل مخالف امید واروں کو بھی سن لیتےہیں۔
تفصیلات کے مطابق اسلام آباد ہائی کورٹ میں جماعت اسلامی کی کراچی کی6یونین کونسلزمیں دوبارہ گنتی روکنے کی درخواست پر سماعت ہوئی۔
جسٹس سردار اعجاز اسحاق خان نے کیس کی سماعت کی ، جماعت اسلامی کی جانب سے وکیل قیصر امام، حسن جاوید اور الیکشن کمیشن کی جانب سے سعد حسن عدالت کے سامنے پیش ہوئے۔
عدالت نے 6 یونین کونسلز میں دوبارہ پولنگ کا حکم دینے کا عندیہ دیتے ہوئے کہا کہ دوبارہ پولنگ کاحکم دینےسےقبل مخالف امید واروں کوبھی سن لیتےہیں۔
جسٹس سردار اعجاز اسحاق خان نے ریمارکس دیئے کہ جو6امیدوارمقابلےمیں تھےانہیں نوٹس کردیتے ہیں، جس پر وکیل قیصر امام نے کہا کہ کراچی کی6یونین کونسلز میں ووٹوں کےتھیلےکھل چکےتھے، فارم 12بھی فراہم نہیں کیا گیا،دھاندلی کے واضح شواہدموجود ہیں۔
جسٹس سرداراعجازاسحاق خان کا کہنا تھا کہ پھرتوالیکشن کمیشن کودوبارہ پولنگ کی جانب جاناچاہیےتھا، صاف شفاف الیکشن کرانا الیکشن کمیشن کی ذمہ داری ہے۔
عدالت نے6یونین کونسل میں مخالف امیدواروں کونوٹس جاری کردیا اور کیس کی مزید سماعت 19 اپریل تک ملتوی کردی۔
