The news is by your side.

Advertisement

پاکستان کو اب تک کتنی کرونا ویکسین ڈوز ملیں؟ رپورٹ اے آر وائی نیوز پر

اسلام آباد: پاکستان کو کرونا ویکسین کی اب تک 1 کروڑ 14 لاکھ 75 ہزار 300 ڈوز موصول ہو چکی ہیں۔

ذرائع کے مطابق پاکستان کو موصول شدہ کرونا ویکسین ڈوزز کے اعداد و شمار کچھ یوں ہے کہ اب تک پاکستان کو 3 ممالک کی 5 کمپنیوں کی تیار کردہ کرونا ویکسینز موصول ہوئی ہیں، ان ویکسینز کی ڈوزز کی مجموعی تعداد 1 کروڑ 14 لاکھ 75 ہزار سے زائد ہے۔

پاکستان کو جو ویکسینز ملی ہیں، ان میں سائینوفارم، کین سائینو، سائینوویک، فائزر اور آسٹرا زینیکا کرونا ویکسینز شامل ہیں، پاکستان کو کرونا ویکسین کی پہلی کھیپ 2 فروری کو چین سے ملی تھی۔

ذرائع کے مطابق چین پاکستان کو سائینوفارم کی 17 لاکھ 20 ہزار ڈوز تحفہ دے چکا ہے، کوویکس سے پاکستان کو 2 ویکسینز کی مجموعی طور پر 13 لاکھ 39 ہزار ڈوز مل چکی ہیں، جن میں آسٹرا زینیکا ویکسین کی 12 لاکھ 38 ہزار 400 ڈوز جب کہ فائزر کرونا ویکسین کی 1 لاکھ 620 ڈوزز شامل ہیں۔

پاکستان کو کین سائینو ویکسین کی 4 لاکھ 16 ہزار 280 ڈوز، سائینوویک ویکسین کی 50 لاکھ ڈوز، جب کہ سائنوفارم ویکسین کی 47 لاکھ 20 ہزار ڈوز موصول ہو چکی ہیں۔

Comments

یہ بھی پڑھیں