سنگاپور میں کیکڑے کی ڈش کھانے کے بعد آنٹی (خاتون) نے پولیس بلالی، خاتون کی ناراضگی کی وجہ بھی بڑی دلچسپ ہے جسے جان کر آپ حیران رہ جائیں گے۔
غیر ملکی میڈیا رپورٹس میں بتایا گیا ہے کہ جاپانی خاتون سیاح سنگا پور میں سیر سپاٹے کے لیے موجود تھی۔ اس دوران انھوں نے ویٹر کی سفارش پر مقامی ریسٹورنٹ کی عمدہ ڈش منگوانے کا فیصلہ کیا۔
کیکڑے سے بنی ڈش کھانے کے بعد جب خاتون نے بل دیکھا تو سخت غصے میں آگئی کیوں کہ اس عام سی ڈش کا بل2 لاکھ روپے (680 ڈالر) کے قریب بن گیا اور انھوں نے فوری طورپر پولیس کو طلب کرلیا۔
ریسٹورنٹ انتظامیہ کی جانب سے بہت زیادہ بل دینے پر خاتون ان سے سخت ناراض تھیں۔ جاپانی خاتون نے بتایا کہ ریسٹورنٹ کے عملے نے ڈش کی قیمت کے بارے میں درست طریقے سے آگاہ نہیں کیا تھا۔ ویٹر سے پوچھا تو اس نے مذکورہ ڈش منگوانے کا کہا۔
انھوں نے میڈیا کو بتایا کہ ویٹر نے بتایا کہ کیکڑے کی ڈش کی قیمت 20 ڈالر ہے تاہم یہ نہیں بتایا تھا کہ ریسٹورنٹ اس ڈش کی قیمت 100 گرام کے حساب سے وصول کرتا ہے۔ ڈش تیار کرنے سے قبل اس کے وزن کے بارے میں بھی نہیں بتایا گیا تھا جس کا وزن تقریبا 3500 گرام تھا۔
ریسٹورنٹ کی انتطامیہ پولیس کے آنے پر اپنا موقف پیش کرتے ہوئے کہا کہ خاتون سے وہی پیسے وصول کیے جس کا بل بنا تھا۔ تاہم بعد میں ریسٹورنٹ نے 78 ڈالر بل میں سے کم کردیے۔
