کراچی: ملک بھر میں اسمگل شدہ سگریٹس کے خلاف زبردست کریک ڈاؤن میں 30 کروڑ مالیت کے سگریٹس ضبط کر لیے گئے۔
تفصیلات کے مطابق کسٹم انٹیلی جنس نے اسمگل شدہ سگریٹس کے خلاف کریک ڈاؤن میں گزشتہ 10 روز میں 30 کروڑ روپے مالیت کے 81 لاکھ 50 ہزار اسمگل شدہ سگریٹس ضبط کر لیے۔
بلوچستان میں 11 کروڑ 42 لاکھ مالیت کے 42 لاکھ 80 ہزار اسمگل شدہ سگریٹس ضبط ہوئے، سندھ میں 8 کارروائیوں میں 6 کروڑ 97 لاکھ مالیت کے 14 لاکھ 20 ہزار غیر ملکی سگریٹس ضبط کیے گئے۔
- Advertisement -
کسٹم حکام کے مطابق پنجاب میں 7 کروڑ 53 لاکھ روپے مالیت کے 12 لاکھ 94 ہزار سگریٹس برآمد ہوئے، خیبر پختون خوا میں 4 کروڑ 39 لاکھ روپے مالیت کے 11 لاکھ 55 ہزار اسمگل شدہ سگریٹس پکڑے گئے۔
کسٹم حکام کا کہنا ہے کہ رواں مالی سال 1 ارب 32 کروڑ 40 لاکھ مالیت کے سگریٹس ضبط کیے جا چکے ہیں۔
