پاکستان ویمن کرکٹ ٹیم کی سابق کپتان جویریہ خان رشتہ ازدواج میں منسلک ہوگئیں۔
پاکستان ویمن کرکٹ ٹیم کی سابق کپتان جویریہ خان کی شادی کی پروقار تقریب کراچی میں منعقد ہوئی جس میں عزیز و اقارب کے علاوہ قومی کرکٹ ٹیم کی کھلاڑیوں نے بھی شرکت کی۔
View this post on Instagram
فوٹو اینڈ شیئرنگ ایپ انسٹاگرام پر جویریہ خان کی شادی کی تقریب کی تصاویر اور ویڈیوز وائرل ہورہی ہیں جس میں انہیں آف وائٹ عروسی جوڑے میں ہلکے میک اپ اور جیولری میں دیکھا جاسکتا ہے۔
View this post on Instagram
واضح رہے کہ جویریہ خان نے 116 ون ڈے اور 122 ٹی ٹوئنٹی انٹرنیشنل میچز میں پاکستان کی نمائندگی کی، انہوں نے مئی 2008 میں سری لنکا کے خلاف میچ سے ون ڈے انٹرنیشنل میں ڈیبیو کیا تھا۔
ون ڈے میچز میں انہوں نے پاکستان کے لیے 2885 رنز جبکہ ٹی ٹوئنٹی میں 2018 رنز اسکور کیے ہیں، انہوں نے اپنا آخری او ڈی آئی میچ 2022 میں بھارت جبکہ آخری ٹی ٹوئنٹی فروری 2023 میں آئرلینڈ کے خلاف کھیلا تھا۔
