اسلام آباد: سابق ٹیسٹ کرکٹر کرنل نوشاد علی اسلام آباد میں سپرد خاک کر دیے گئے۔
تفصیلات کے مطابق سابق ٹیسٹ کرکٹر کرنل نوشاد علی اسلام آباد میں سپرد خاک ہو گئے، چیئرمین پی سی بی منیجمنٹ کمیٹی ذکا اشرف کی طرف سے منیجر پنڈی کرکٹ اسٹیڈیم رائے یعقوب اور کرکٹ آرگنائز اجمل صابر نے پھولوں کی چادر چڑھائی۔
سابق ٹیسٹ کرکٹر کی نماز جنازہ ایچ الیون اسلام آباد میں ادا کی گئی، کرنل (ر) نوشاد علی نے 6 ٹیسٹ میچز میں بطور وکٹ کیپر بیٹسمین پاکستان کی نمائندگی کی، انھوں نے 83 فرسٹ کلاس میچز کھیلے جس میں 9 سنچریاں اور 20 نصف سنچریاں اسکور کیں۔
پاکستان کے سابق ٹیسٹ کرکٹر انتقال کر گئے
آئی سی سی کی جانب سے 13 ایک روزہ میچز اور 5 ٹیسٹ میچز میں میچ ریفری کے فرائض بھی سرانجام دیے، منیجر پنڈی کرکٹ اسٹیڈیم رائے یعقوب اور معروف کرکٹ آرگنائزز اجمل صابر نے نمازہ جنازہ میں شرکت کی اور چیئرمین پی سی بی منیجمنٹ کمیٹی ذکا اشرف اور کرکٹ بورڈ عملے کی طرف سے پھولوں کی چادر چڑھائی۔
