The news is by your side.

Advertisement

عالمی شہرت یافتہ فٹ بالر نے کرونا کو شکست دے دی

لزبن: پرتگال کے اسٹار فٹبالر نے کرونا وائرس کو شکست دے دی ہے، کرسچیانو رونالڈو کا تقریباً تین ہفتوں کے بعد کووڈ نائنٹین ٹیسٹ منفی آیا ہے۔

بین الاقوامی میڈیا رپورٹ کے مطابق اطالوی چیمپیئنز یووینٹیس فٹبال کلب کا کہنا ہے کہ رونالڈو کا کوویڈ-19 تشخیصی ٹیسٹ کیا گیا جس کا نتیجہ منفی آیا، اب انہیں ہوم آئسولیشن کی ضرورت نہیں ہے۔

پینتیس سالہ رونالڈو کرونا وائرس کی وجہ سے چار میچ نہیں کھیل پائے تھے جس میں بدھ کو لیونل میسی کی بارسلونا کلب کو 0-2 سے شکست اور یووینٹیس فٹبال کلب کی گروپ جی کے اوپنر میں ڈینامو کیف میں 0-2 سے کامیابی حاصل شامل تھی۔

کرسچیانو رونالڈو پانچ مرتبہ سال کے بہترین فٹبالر کا فیفا ایوارڈ اپنے نام کر چکے ہیں اور وہ اس وقت اطالوی فٹبال کلب یووینٹیس کا حصہ ہیں۔

پانچ مرتبہ ’بیلن ڈی اور‘ کے فاتح رونالڈ کی واپسی اینڈریا پیرلو کی ٹیم کے حوصلے کو بڑھائے گی جو اس وقت سیری اے میں پانچویں نمبر پر ہیں۔

یہ بھی پڑھیں:  میسی اور رونالڈو پھر آمنے سامنے

واضح رہے کہ رواں ماہ 13 اکتوبر کو فٹبال کی دنیا کے نامور کھلاڑی کرسٹیانو رونالڈو کرونا وائرس سے متاثر ہوئے تھے، پرتگال فٹبال فیڈریشن کی جانب سے جاری کردہ اعلامیے میں بتایا گیا تھا کہ رونالڈو کا کرونا ٹیسٹ مثبت آیا جس کے بعد وہ قرنطینہ میں چلے گئے ہیں، رونالڈو میں کرونا کی کوئی علامت ظاہر نہیں ہوئی اُس کے باوجود اُن کے کوویڈ ٹیسٹ کی رپورٹ مثبت آئی تھی۔

Comments

یہ بھی پڑھیں