سی ٹی ڈی نے کارروائی کرتے ہوئے کراچی کے علاقےمحمود آباد سے کالعدم جماعت کے تین کارندوں کو گرفتار کرلیا، گرفتار ملزمان میں مولانا عبدالعزیز کا ساتھی شمس الدین بھی شامل ہے۔
کراچی میں سی ٹی ڈی پولیس کی بڑی کارروائی کرتے ہوئے بڑی وارداتوں کے ملزم گرفتار کرلئے، گرفتار ملزمان میں مولانا عبدالعزیز کا ساتھی شمس الدین بھی شامل ہے ۔
پولیس کا کہنا ہے شمس الدین لال مسجد میں سیکیورٹی فورسز پر حملے میں بھی ملوث رہا ہے محمود آباد سے گرفتار کیے گئے کالعدم تنظیم کے تین کارندوں نعمت اللہ، شمس الدین اور عارف اللہ سے بھتے کی پرچیاں، اور رقم بھی برآمد ہوئیں۔
ایس ایس پی سی ٹی ڈی جنید شیخ کے مطابق گرفتار کیے گئے ملزمان میں افغانستان سے تربیت حاصل کرنے والے بھی شامل ہیں۔
پولیس کا کہنا ہے ملزمان کراچی سے بھتہ اور چندے کی رقم جمع کرکے افغانستان بھجواتے تھے ۔رمضان اور دیگر مہینوں میں تیس سے پینتیس لاکھ روپے افغانستان بھیجے گئے۔
