The news is by your side.

Advertisement

کراچی سے انتہائی مطلوب دہشت گرد گرفتار، دشمن ملک سےٹریننگ حاصل کرنے کا انکشاف

کراچی: سی ٹی ڈی پولیس اور حساس ادارے نے مشترکہ کارروائی کرتے ہوئے انتہائی مطلوب دہشت گرد کو گرفتار کرلیا ، دوران تفتیش ملزم نے انکشاف کیا کہ 2016میں عباس رضا کے کہنے پر پڑوسی ملک سے تربیت لی۔

تفصیلات کے مطابق کراچی میں سی ٹی ڈی پولیس نے حساس ادارے کےساتھ مشترکہ کارروائی کی ، کارروائی کے دوران پڑوسی ملک سےعسکری تربیت یافتہ کاساتھی ذاکر رضاعرف ندیم گرفتار کرلیا۔

دوران تفتیش ملزم نے انکشاف کیا کہ 2016میں عباس رضا کے کہنے پر پڑوسی ملک سے تربیت لی، دوران تربیت حربی مشقیں،جنگی چالیں ،خودکار ہتھیاروں کی مہارت لی۔

سی ٹی ڈی نے بتایا کہ عباس رضا ریڈ بک کاانتہائی مطلوب دہشت گرد ہے ، ریڈبک مطلوب دہشت گرد کراچی اور پنجاب میں ذہنی سازی کرتاتھا اور لوگوں کو مذہبی،فرقہ وارانہ دہشت گردی اور انتشارکیلئے استعمال کیا جاتا تھا۔

سی ٹی ڈی کے مطابق ملزم کالعدم تنظیم کےمتعدد لوگوں کووارداتوں میں سہولت دیتاتھا، ملزم سے برآمد اسلحہ کا معائنہ کرایا جارہا ہے۔

یاد رہے سی ٹی ڈی نے کوٹ بنگلو کے علاقے میں کارروائی کی اور کالعدم تنظیم کے دہشت گرد کو گرفتار کر کے اس کے قبضے سے بارودی مواد برآمد کر لیا تھا، ملزم نے دوران تفتیش دشمن ملک سےٹریننگ حاصل کرنے کا انکشاف کیا ہے، گرفتار دہشت گردسیکیورٹی فورسزپرحملوں میں ملوث ہے۔

سی ٹی ڈی کا کہنا تھا کہ دہشت گرد نے بلوچستان میں مہران ہوٹل پر حملےمیں ملوث ہونےکا اعتراف کیا جب کہ ایف سی کی گاڑیوں کو تباہ کرنےکا بھی اعتراف کیا۔

Comments

یہ بھی پڑھیں