The news is by your side.

Advertisement

ملتان میں سی ٹی ڈی کی کارروائی‘ 2 دہشت گرد گرفتار

ملتان : صوبہ پنجاب کے شہر ملتان میں انسداد دہشت گردی فورس نے کارروائی کرتے ہوئے 2 دہشت گردوں کو گرفتار کرلیا۔

تفصیلات کے مطابق ملتان میں انسداد دہشت گردی فورس نے خفیہ اطلاع پر کارروائی کرکے کالعدم تنظیم کے دو دہشت گرد گرفتار کرلیے۔

ترجمان سی ٹی ڈی کے مطابق ملزمان کے قبضے سے دستی بم اور بارودی مواد برآمد کرلیا گیا۔

سی ٹی ڈی حکام کے مطابق خطرناک دہشت گرد معظمین اور امیر بشامی کو فیض عالم چوک سے گرفتار کیا گیا، ملزمان دہشت گردی کی منصوبہ بندی کر چکے تھے۔

ابتدائی تفتیش کے دوران گرفتار دہشت گردوں نے سی ٹی ڈی حکام کو بتایا ہے کہ وہ سیکورٹی اداروں کو ہدف بنانے کی پلاننگ کر چکے تھے۔

سی ٹی ڈی حکام کا کہنا ہے کہ ملزمان کو مزید تفتیش کے لیے نامعلوم مقام پرمنتقل کردیا گیا ہے۔

خیال رہے کہ گزشتہ ماہ 22 دسمبر کو صوبہ پنجاب کے شہرملتان میں سی ٹی ڈی نے کارروائی کرتے ہوئے 2 دہشت گردوں کو ہلاک کردیا تھا جبکہ 3 فرار ہونے میں کامیاب ہوگئے تھے۔


گوجرانوالہ میں سی ٹی ڈی کی کارروائی‘ 2 دہشت گرد گرفتار


یاد رہے کہ گزشتہ ہفتےصوبہ پنجاب کے شہر گوجرانوالہ میں سی ٹی ڈی نے کارروائی کرتے ہوئے 2 دہشت گردوں کو گرفتار کرکے اسلحہ برآمد کیا تھا۔

Print Friendly, PDF & Email

Comments

comments

یہ بھی پڑھیں