سمندری طوفان بیپر جوائے بھارتی گجرات کی ساحلی پٹی سے ٹکرا گیا طوفان اپنی پوری شدت کے ساتھ گزشتہ شام 7 بجے ٹکرایا۔
این ڈی ایم اے کے مطابق سمندری طوفان نے بھارتی گجرات کی ساحلی پٹی پر لینڈ فال مکمل کر لیا ہے۔ بیپر جوائے بھارتی ریاست گجرات کے جاکھائو پورٹ پر شام 7 بجے ٹکرایا تھا اور لینڈ فال کا یہ عمل تقریباً 6 سے 8 گھنٹے میں جمعرات اور جمعے کی درمیانی شب مکمل ہوا۔
محکمہ موسمیات کا کہنا ہے کہ طوفان نے بھارت کے اندر مکمل طور پر لینڈ فال کیا تاہم بیپر جوائے نے پاکستانی ساحل کے کسی بھی حصے پر لینڈ فال نہیں کیا۔
این ڈی ایم کے مطابق سمندری طوفان کراچی سے 210 کلومیٹر کی دوری پر موجود ہے۔ طوفان جب کہ کیٹی بندر کے جنوب اور جنوب مغرب سے 125 کلومیٹر اور ٹھٹھہ سے 150 کلومیٹر کے فاصلے پر ہے۔ طوفانی گرد آلود ہوائیں 100 سے 130 کلو میٹر فی گھنٹہ کی رفتار سے چل رہی ہیں۔ سمندری طوفان کے باعث لہریں 10 سے 15 فٹ اونچی ہیں۔
رپورٹ کے مطابق طوفان پہلے کمزور ہو کر سائیکلونک طوفان میں تبدیل ہوگا پھر آج شام تک اس کے ڈپریشن میں تبدیل ہونے کا امکان ہے۔
حکام کا بتانا ہے کہ طوفان 24 گھنٹے کے دوران اپنے ارد گرد بارشیں بارشیں برسا کر اپنی شدت کو کم کریگا، کراچی اس حوالے سے 100 فیصد محفوظ ہے، تیز بارش یا آندھی کا کوئی خطرہ نہیں۔ آج دن میں کراچی میں ہلکی بارش ہوسکتی ہے۔
