موٹاپے سے نجات اور کولیسٹرول کم کرنے میں ٹماٹر کے جوس کا استعمال نہایت موثر ثابت ہوتا ہے۔
تائیوان یونیورسٹی کی تحقیق کے مطابق ٹماٹر کا جوس جسم میں چربی کو کم کرنے میں مددگار ثابت ہوتا ہے۔
تحقیق میں بتایا گیا ہےکہ روزانہ ٹماٹر کے ڈھائی سو ملی لیٹر جوس کے استعمال سے نہ صرف جسم میں چربی پگھلتی ہے بلکہ کولیسٹرول لیول بھی کم ہوتا ہے اور ساتھ ہی خون میں ایک مادہ لائسوفین بڑھ جاتاہے جوکینسر کے خلاف مدافعت بڑھاتا ہے۔
اس کے علاوہ تحقیق کاروں کا کہنا ہے ٹماٹر کا جوس پینے سے مدافعتی نظام مضبوط ہوتا ہے۔
ٹماٹر کا جوس وٹامن اے اور سی کے حصول کا ایک موثر ذریعہ ہے جو خون میں ایسے فاسد مادے بننے سے روکتا ہے، جو کینسر‘ دل کی بیماریوں اور حتیٰ کہ جھریاں بننے کا باعث بن سکتے ہیں۔ ٹماٹر اس کے علاوہ لائیکو پین کے حصول کا بھی ایک بڑا ذریعہ ہیں۔
یورپ میں تحقیق دانوں نے پتا چلایا ہے کہ اس طاقتور اینٹی اوکسی ڈنٹ جز کی زیادہ مقدار میں جسم کی فراہمی‘ دل کی بیماریوں کے خطرات میں 48 فیصد کمی کا سبب بن سکتی ہے۔ 72مطالعاتی تحقیقات کا خلاصہ ہے کہ لائیکوپین‘ پروسٹیٹ کینسر کے خلاف انتہائی موثر ثابت ہوا ہے۔
البتہ اس بات میں بھی شک باقی ہے کہ آیا ٹماٹر کا جوس پینے سے اتنا ہی فائدہ ہوتا ہے جتنا کہ ٹماٹر کھانے سے۔ چند اقسام کے ٹماٹر کے جوس میں نمک کی کافی مقدار شامل ہوتی ہے جو بلند فشار خون (ہائی بلڈپریشر) اور دل کی بیماریوں کا سبب بن سکتی ہے۔
