The news is by your side.

Advertisement

جدہ : سعودی عرب میں 44ویں ڈاکار ریلی کا افتتاح

جدہ : سعودی عرب ایک بار پھر ڈاکار ریلی کی میزبانی کرے گا۔ سعودی ڈاکار ریلی 2022 ایڈیشن 44 کا باقاعدہ افتتاح آج ہوگا، یکم جنوری سے14 جنوری تک 70 ممالک کے650 ڈرائیورز اپنی قسمت آزمائیں گے۔

سبق ویب سائٹ کے مطابق سعودی عرب مسلسل تیسرے سال ڈاکار ریلی کی میزبانی کر رہا ہے، یہ امتیاز اس لیے بھی حاصل ہے کیونکہ سعودی عرب وسیع و عریض صحراؤں، پرکشش قدرتی مناظر اور رنگا رنگ جغرافیائی تشکیل سے مالا مال ریاست ہے۔

ڈاکار ریلی کو کامیاب اور پرکشش بنانے میں یہ ساری خوبیاں بے حد اہم ہیں، ڈاکار ریلی کا افتتاح سعودی عرب کے مشہور شہر حائل سے ہوگا، باقاعدہ مقابلے کا آغاز اتوار کو ہوگا۔

سپورٹس کی دنیا کے اس عظیم الشان پروگرام کی تیاریاں نقطہ عروج کو پہنچ چکی ہیں، اس کی شروعات حائل کے صحرا سے ہوگی اور اختتام 14 جنوری کو جدہ میں ہوگا، 8 جنوری کو دارالحکومت ریاض میں آرام کا وقفہ رکھا گیا ہے۔

ڈاکار ریلی ایڈیشن 44 تاریخ کا سب سے بڑا مقابلہ ہے، اس میں 650 سے زیادہ ڈرائیور شرکت کررہے ہیں، ان کا تعلق دنیا کے70 ممالک سے ہے، علاوہ ازیں ریلی میں مختلف زمروں کی 430 گاڑیاں شریک ہوں گی،146 ڈاکار کلاسک زمرے میں شامل ہوں گی۔

Comments

یہ بھی پڑھیں