ویسٹ انڈیز کے سابق کپتان اور معروف آل راؤنڈر ڈیرن سیمی نے بھی نیوزی لینڈ کی جانب سے پاکستان دورے کی منسوخی پر مایوسی کا اظہار کر دیا ہے۔
ڈیرن سیمی نے نیوزی لینڈ کرکٹ بورڈ کی جانب سے پاکستان کے ساتھ سیریز کی اچانک منسوخی کے کچھ ہی دیر بعد ایک ٹوئٹ میں ڈیرن سیمی نے کہا کہ میں 6 سال سے پاکستان جا کر کھیل رہا ہوں، میرا بہترین تجربہ رہا، اور پاکستان کو میں نے ہمیشہ محفوظ ملک پایا۔
انھوں نے لکھا کہ سیریز کی منسوخی کی خبر سن کر انھیں بہت مایوسی ہوئی، سیکیورٹی کو جواز بنا کر دورہ منسوخ کرنے پر افسوس ہوا ہے، نیوزی لینڈ کا دورہ منسوخ ہونے سے پاکستانی کرکٹ کو بڑا نقصان ہوگا۔
Disappointed waking up to the news of the cancellation of the Pakistan Vs New Zealand series because of security issues.Over the last 6 years playing and visiting Pakistan has been one of the most enjoyable experiences. I’ve always felt safe. this is a massive blow to Pakistan ☹️
— Daren Sammy (@darensammy88) September 17, 2021
انھوں نے ایک اور ٹوئٹ میں کہا کہ پی سی بی اور حکومت پاکستان نے ملک میں کرکٹ کی واپسی کے لیے بڑی محنت کی، میں ایک بار پھر کہوں گا کہ میں جن محفوظ ترین مقامات پر کرکٹ کھیل چکا ہوں ان میں پاکستان ایک ہے، وہاں کے شائقین زبردست ہیں، جب میں پاکستان میں ہوتا ہوں تو خود کو گھر پر محسوس کرتا ہوں، اس وقت میں خاصا مایوس ہوں۔
The @TheRealPCB and the government have worked so hard to get cricket back to Pakistan. Again I will say Pakistan is one of the safest places I’ve played cricket. The fans are amazing. I feel at home when I’m there. So disappointed right now. https://t.co/7vlGIRw73h pic.twitter.com/PUaZgG8qBS
— Daren Sammy (@darensammy88) September 17, 2021
واضح رہے کہ آج پاکستان اور نیوزی لینڈ کے درمیان سیریز کا پہلا ون ڈے میچ ہونے جا رہا تھا، اچانک کیوی کرکٹ بورڈ نے سیکیورٹی کو جواز بنا کر سیریز منسوخ کرنے کا اعلان کر دیا۔
بعد ازاں، پاکستانی وزیر اعظم عمران خان نے اپنے کیوی ہم منصب سے فون پر بات کی، جس میں جیسنڈا آرڈرن نے سیریز کی منسوخی کی استدعا کی۔
نیوزی لینڈ کے ساتھ اب آئی سی سی میں بات کریں گے: چیئرمین پی سی بی
پاکستان کرکٹ بورڈ کے چیئرمین رمیز راجہ نے کہا ہے کہ سیکیورٹی کو جواز بنا کر ٹور ختم کرنا بہت افسوس ناک ہے، نیوزی لینڈ سے اب انٹرنیشنل کرکٹ کونسل (آئی سی سی) میں بات کریں گے۔
ادھر انگلینڈ کرکٹ بورڈ نے بھی پاکستان کے دورے سے متعلق اہم بیان جاری کر دیا ہے، بورڈ کا کہنا ہے کہ پاکستان کے دورے سے متعلق فیصلہ 24 سے 48 گھنٹے میں کریں گے۔
