بھارت میں بہادر خاتون ملازم نے بینک میں ڈکیتی کی نیت سے گھنسے والے شخص کو مار بھگایا، سوشل میڈیا صارفین خاتون کی بہادری کا اعتراف کرنے پر مجبور ہوگئے۔
سوشل میڈیا پر وائرل ہونے والی یہ ویڈیو ریاست راجھستان کے شہر سری گنگا نگر کے ایک بینک کی ہے، ویڈیو میں دیکھا جاسکتا ہے کہ منہ پر ڈھاٹا باندھے ایک شخص بینک میں گھس آیا ہے، اس کے ہاتھ میں بڑا سا چھرا ہے۔
اس دوران ایک خاتون بینک کے اندر سے نکلتی ہیں اور نہایت سکون سے ڈکیت سے بات کرتی ہیں، ڈکیت بوکھلائے ہوئے انداز میں چاقو لہرا کر سب کو دھمکاتا ہے۔
اس دوران ایک شخص ڈکیت کا چاقو چھیننے کی کوشش کرتا ہے لیکن ناکام رہتا ہے، ڈکیت بپھر جاتا ہے جس پر وہاں موجود لوگ اسے پرسکون کرنے کی کوشش کرتے ہیں۔
Appreciation is must for this kind of courageous act.
Hats off to exemplary courage shown by Poonam Gupta, manager
Marudhara bank, Sriganganar. pic.twitter.com/p8pPgxPSBC— Dr Bhageerath Choudhary IRS (@DrBhageerathIRS) October 17, 2022
اسی دوران اس کے سامان سے ایک پلائیر (پلاس) گر جاتا ہے اور خاتون لپک کے اسے اٹھا لیتی ہیں، اس کے بعد وہ پلائیر کے ذریعے ڈکیت کو آگے آنے سے روکنے کی کوشش کرتی ہیں۔
حواس باختہ ڈاکو خاتون پر حملے کی کوشش کرتا ہے لیکن وہ خود کو بچا لیتی ہیں، اس دوران وہ پلاس سے اسے دھمکاتی رہتی ہیں، اپنا مقصد ناکام ہوتا دیکھ کر ڈاکو گھبرایا ہوا وہاں سے نکل جاتا ہے جس کے بعد بینک کا عملہ پولیس کو فون کرتا ہے۔
سوشل میڈیا پر وائرل ہونے کے بعد خاتون کی بہادری کی بے حد تعریف کی گئی، پولیس کے مطابق مذکورہ خاتون کا نام پونم گپتا ہے جو بینک مینیجر ہیں۔
پولیس نے مشتبہ شخص کو بھی گرفتار کرلیا ہے۔