The news is by your side.

Advertisement

جلال آباد: تعمیراتی کمپنی پر خود کش حملہ، 16 افراد ہلاک

ننگرہار: افغانستان کے مشرقی صوبے ننگرہار کے شہر جلال آباد میں ایک تعمیراتی کمپنی کے دفتر پر خود کش حملے کے نتیجے میں 16 افراد ہلاک ہو گئے۔

تفصیلات کے مطابق افغان صوبے ننگرہار کے دارالحکومت جلال آباد میں خود کش حملے میں افغان تعمیراتی کمپنی کے سولہ افراد جاں بحق ہو گئے۔

پہلے دو خود کش حملہ آوروں نے خود کو دھماکے سے اڑایا اور پھر تین مسلح دہشت گردوں نے فائرنگ شروع کر دی۔

حملہ دو خود کش اور تین مسلح دہشت گردوں نے کیا، حملے میں پانچوں دہشت گرد بھی ہلاک ہو گئے۔

گورنر ننگرہار نے میڈیا کو بتایا کہ حملے میں حملہ آوروں سمیت اکیس افراد ہلاک جب کہ 9 افراد زخمی ہوئے ہیں۔

میڈیا رپورٹس کے مطابق جلال آباد کے ہوائی اڈے کے قریب ایک تعمیراتی کمپنی کے دفتر کے باہر پہلے دو خود کش حملہ آوروں نے خود کو دھماکے سے اڑایا اور پھر تین مسلح دہشت گردوں نے فائرنگ شروع کر دی۔

صبح پانچ بجے شروع ہونے والی دہشت گردوں کی کارروائی 6 گھنٹے تک جاری رہی، دہشت گردوں کی فائرنگ سے کمپنی کے سولہ اہل کار جاں بحق ہوئے۔

یہ بھی پڑھیں:  افغان طالبان سے مذاکرات میں پیش رفت ہو رہی ہے: امریکا

افغان سیکورٹی فورسز کے اہل کاروں نے موقع پر پہنچ کر کلیئرنس آپریشن کے دوران تینوں مسلح دہشت گرد ہلاک کر دیے۔

افغان نیوز رپورٹس کے مطابق سیکورٹی فورسز نے ایک کار میں نصب بم بھی ناکارہ بنایا جب کہ دو خود کش جیکٹیں بھی تباہ کر دی گئیں۔

برطانوی خبر رساں ایجنسی کے مطابق حملے کی ذمہ داری کسی گروہ نے قبول نہیں کی ہے، نہ ہی مقامی تعمیراتی کمپنی کو نشانہ بنائے جانے کی وجہ معلوم ہوئی۔

Comments

comments

یہ بھی پڑھیں