The news is by your side.

Advertisement

یومِ وفات: معروف صدا کارہ موہنی حمید کو بلبلِ نشریات بھی کہا جاتا تھا

16 مئی 2009ء کو ریڈیو پاکستان کی مشہور صدا کار موہنی حمید وفات پاگئی تھیں۔ انھیں بلبلِ نشریات بھی کہا جاتا تھا۔

موہنی حمید بچّوں میں آپا شمیم کے نام سے معروف تھیں۔ انھوں نے کئی ریڈیو ڈراموں میں‌ کام کیا اور بچوں کے لیے کئی گیت بھی گائے۔ موہنی حمید کی بیٹی کنول نصیر بھی ریڈیو اور ٹیلی ویژن کی معروف صدا کار اور نیوز اناؤنسر تھیں۔

موہنی حمید نے موہنی داس کے نام سے نوجوانی میں ریڈیو پر کام شروع کیا تھا اور 35 سال تک ریڈیو پاکستان لاہور سے بچوں کے ہفتہ وار پروگرام میں آپا شمیم کا کردار نبھاتی رہیں۔

وہ 1922ء میں امرتسر میں پیدا ہوئی تھیں۔ آل انڈیا ریڈیو، لاہور سے صدا کاری کا آغاز کیا اور اپنی دل کش آواز کے سبب جلد سامعین میں مقبول ہوگئیں۔ انھیں متعدد اعزازات سے نوازا گیا تھا جن میں ریڈیو پاکستان کا اعزاز گولڈن مائیک، گریجویٹ ایوارڈ اور حکومت پاکستان کی جانب سے تمغۂ امتیاز شامل ہیں۔

Comments

یہ بھی پڑھیں