The news is by your side.

’عامر جمال نے شاندار کامیابی دلوائی‘

قومی ٹیم کے کپتان بابراعظم نے انگلینڈ کے خلاف سیریز کے پانچویں ٹی ٹوئنٹی میں شاندار ڈیبیو کرنے والے عامر جمال کی کارکردگی سراہتے ہوئے کہا ہے کہ نوجوان بولر کو خود پر پورا اعتماد تھا اور اسی وجہ سے ہمیں کامیابی ملی۔

میچ کی اختتامی تقریب میں گفتگو کرتے ہوئے بابراعظم نے کہا کہ پورا کریڈٹ بولرز کو جاتا ہے خاص طور پر عامر جمال نے جس طرح کی بولنگ کی اس سے ہمیں کامیابی ملی۔

انہوں نے کہا کہ عامر جمال کو خود پر اعتماد تھا اس نے شاندار ڈیبیو کیا آخری اوور میں نوجوان بولر پُراعتماد تھے کہ جیت ملے گی۔

بابر اعظم نے کہا کہ پچ مشکل تھی کنڈیشنز سازگار نہیں تھی لیکن سارا کریڈٹ بولرز کے سر ہے جو ہماری اسٹرنتھ ہے، مضبوط بولنگ اٹیک سے ٹیم کافی پرُاعتماد ہے۔

شاداب خان کی واپسی کو خوش آئند قرار دیتے ہوئے کہا کپتان نے کہا کہ انجری کے بعد مشکل صورتحال میں شاداب کی واپسی ہوئی ہے افتخار احمد اور محمد نواز نے بھی اچھی بولنگ کی اور اہم وکٹیں حاصل کیں۔

اپنے اوپنر جوڑی دار محمد رضوان کی تعریف کرتے ہوئے کپتان کا کہنا تھا کہ جس طرح سے انہوں نے بیٹنگ کی ہے وہ زبردست تھی وکٹیں گنوانے کے باوجود وہ آخر تک کھڑے رہے۔

Comments

یہ بھی پڑھیں