کراچی: ڈپٹی کمشنر نے ملیر کے مختلف علاقوں میں اسمارٹ لاک ڈاؤن نافذ کرنے کا فیصلہ کرلیا، لاک ڈاؤن سے متعلق نوٹی فکیشن بھی جاری کردیا گیا ہے۔
تفصیلات کے مطابق جاری کردہ نوٹی فکیشن میں کہا گیا ہے کہ اسمارٹ لاک ڈاؤن ڈی ایچ او ملیر کی تجویز پر لگایا جارہا ہے، اسمارٹ لاک ڈاؤن کا نفاذ گلشن حدیدیوسی 6فیز ون اور ٹو میں ہوگا۔
نوٹی فکیشن کے مطابق گلشن حدیدفیز ون اور ٹو کی سڑکیں 5دن تک مکمل سیل رہیں گی، اسمارٹ لاک ڈاؤن کا آغاز آج سے 7جولائی تک رہے گا جبکہ میڈیکل اسٹور اور اشیائےخورونوش کی دکانیں لاک ڈاؤن سے مستثنیٰ ہوں گی۔
سندھ حکومت کا کراچی میں اسمارٹ لاک ڈاؤن ختم کرنے کا فیصلہ
قبل ازیں گزشتہ روز کراچی کے مختلف علاقوں میں لاک ڈاؤن ختم کیا گیا تھا لیکن اب صرف ملیر کے مختلف علاقوں میں اسمارٹ لاک ڈاؤن کیا جائے گا، جس کا آغاز آج سے ہورہا ہے۔
کراچی کی 39 یوسیز میں اسمارٹ لاک ڈاؤن کی مدت گزشتہ آج رات 12 بجے ختم ہوگی، کمشنر نے آئندہ اسمارٹ لاک ڈاؤن کا اختیار ہیلتھ ایڈوائزری پر ڈی سیز کو دے دیا۔ ذرائع کا کہنا تھا کہ کرونا کیسز بڑھنے کی صورت میں مخصوص علاقوں کو بند کیا جائے گا، آئندہ اسمارٹ لاک ڈاؤن ڈی سیز اسٹیک ہولڈرز کی مشاورت سے فیصلہ کریں گے۔
