بھارت میں ٰیوم جمہوریہ کے موقع پر لال قلعہ پر جھنڈا لہرانے والے بھارتی اداکار دیپ سدھو کار حادثے میں جان کی بازی ہار گئے۔
بھارتی میڈیا کے مطابق پنجابی اداکار دیپ سدھو دہلی سے بھٹنڈا جارہے تھے کہ راستے میں ’’ کنڈلی منیسر پلوال ‘‘ کے علاقے میں ان کی گاڑی ٹرک کے پچھلے حصے سے ٹکرا گئی جس کے نتیجے میں وہ ہلاک ہوگئے۔
وہ مہندرا سکارپیو میں سوار تھے، ٹکراتنی خوفناک تھی کہ ڈرائیونگ سائیڈ بری طرح سے ٹرک کے اندر گھس گئی جو ان کی موت کا باعث بنی۔
اداکار کی گاڑی کو حادثہ صبح ساڑھے نوبجے کے قریب پیش آیا، اسپتال انتظامیہ کا کہنا تھا کہ جب دیپ سدھو کو اسپتال لایا گیا تو وہ جان کی بازی ہار چکے تھے۔
Deeply saddened to learn about the unfortunate demise of renowned actor and social activist, #DeepSidhu. My thoughts and prayers are with the bereaved family and fans.
— Charanjit S Channi (@CHARANJITCHANNI) February 15, 2022
یاد رہے کہ گزشتہ سال فروری میں دیپ سدھو کو بھارتی یوم جمہوریہ کے موقع پر کسانوں کی ٹریکٹر ریلی کے دوران گرفتار کیا گیا جو کہ لال قلعہ پہنچنے کے بعد متشدد ہو گئی تھی۔
اس وقت کسان مودی حکومت کی جانب سے متعارف کروائے جانے والے3 نئے قوانین کے خلاف احتجاج کر رہے تھے جسے بعد ازاں کسانوں کے مسلسل احتجاج کے پیش نظر نومبر 2021 میں واپس لے لیا گیا تھا۔
مزید پڑھیں: بھارت کے نامور موسیقار بپی لہری چل بسے
دیپ سدھو کو اپریل میں ضمانت پر رہا کر دیا گیا تھا لیکن رہا ہونے کے کچھ دیر کے بعد انہیں دوبارہ گرفتار کر لیا گیا تھا تاہم اپریل میں انہیں دوبار رہائی ملی تھی، عدالتی احکامات کے مطابق انہیں پولیس کے ساتھ تفتیش میں مکمل تعاون کرنا تھا۔
