The news is by your side.

Advertisement

یومِ دفاع، مزارِ قائد پر گارڈزکی تبدیلی کی پُروقار تقریب

کراچی: ملک بھر میں یومِ دفاع ملی جوش و خروش سے منایا جا رہا ہے، بانی پاکستان قائداعظم محمد علی جناح کے مزار پر گارڈز کی تبدیلی کی پرُوقار تقاریب ہوئی۔

تفصیلات کے مطابق کراچی میں یومِ دفاع کے موقع پر مزارِقائد پر گارڈز کی تبدیلی کی پْروقار تقریب منعقد ہوئی، مزار قائد پر پاک فضائیہ کے چاق وچوبند دستے نے سلامی پیش کی۔

پاک فضائیہ کے چاق وچوبند دستے نےاعزازی گارڈز کے فرائض سنبھال لیے۔ فرائض سنبھالنے والے گارڈزمیں 3 خواتین سمیت 46 کیڈٹس شامل ہیں۔

مہمان خصوصی ایئروائس مارشل شکیل غضنفر نے بانی پاکستان کے مزار پر پھول چڑھائے،فاتحہ خوانی کی۔

ایئروائس مارشل شکیل غضنفر نے تقریب سے خطاب کرتے ہوئے کہا کہ 1965 کی جنگ ہماری بقا کی جنگ تھی،پاک افواج نے تعداد میں 4 گنا بڑے حریف کے عزائم ناکام بنائے۔

شکیل غضنفر کا کہنا تھا کہ قومی سلامتی کو سب سے بڑا خطرہ 6 ستمبرکو درپیش ہوا،65 کی جنگ کے شہدا کو خراج عقیدت پیش کرتے ہیں۔

ایئروائس مارشل نے کہا کہ پاکستان کی فضائی سرحدیں ناقابل تسخیرہیں،موجودہ دورمیں دہشت گرد عناصر نے للکارا تو فضائیہ نے چیلنج قبول کیا،قوم کو65،حالیہ آپریشنزمیں افواج کی کارکردگی پر فخرہے۔

انہوں نے کہا کہ لاہور پرحملہ ہوا تو فضائیہ نے دشمن کے ٹینکوں کو تباہ کیا،6 ستمبر کو جانوں کا نذرانہ پیش کرنے والوں کو سلام پیش کرتا ہوں۔

ملک بھر میں یوم دفاع آج ملی جوش و جذبے سے منایا جارہا ہے

واضح رہے کہ ملک بھر میں یوم دفاع پاکستان آج ملی جوش وجذبے اور شہدائے وطن کے ساتھ محبت وعقیدت کے ساتھ منایا جا رہا ہے۔

Comments

یہ بھی پڑھیں