The news is by your side.

Advertisement

دیگی قورمہ بنانے کی آسان ترکیب

قورمہ ایسی ڈش ہے جو کسی بھی دعوت کے طعام کا لطف دوبالا کردیتی ہے، آج ہم آپ کو دیگی قورمہ بنانے کی آسان ترکیب بتا رہے ہیں۔

اس کے لیے آپ کو مندرجہ ذیل اجزا کی ضرورت ہوگی۔

اجزا

چکن: 1 کلو

پیاز تلی اور پسی ہوئی: آدھا کپ

لونگ: 8 عدد

دار چینی: 1 انچ کا ٹکڑا

ہری الائچی: 8 عدد

جائفل جاوتری: ایک چوتھائی ٹکڑا

ادرک لہسن کا پیسٹ: 1 کھانے کا چمچ

نمک: ڈیڑھ چائے کا چمچ

لال مرچ پسی ہوئی: ڈھائی چائے کا چمچ

دھنیا پسا ہوا: 2 چائے کے چمچ

دہی: ڈیڑھ کپ

تیل: آدھا کپ

کیوڑا: 1 چائے کا چمچ

ترکیب

سب سے پہلے پیاز کو لونگ، دار چینی، ہری الائچی، جائفل اور جاوتری کے ساتھ پیس لیں۔

اب تیل گرم کر کے اس میں چکن کے ٹکڑے، ادرک لہسن کا پیسٹ اور نمک ڈال کر پانچ منٹ کے لیے فرائی کریں۔

اس میں پسی لال مرچ، پسا دھنیا، دہی اور پیاز کا مکسچر شامل کر کے اچھی طرح پکائیں۔

چکن کے گلنے تک ہلکی آنچ پر ڈھک کر چھوڑ دیں۔

اب اسے 15 منٹ کے لیے دم پر چھوڑ دیں۔

آخر میں کیوڑا چھڑکیں اور شیر مال کے ساتھ سرو کریں۔

Comments

یہ بھی پڑھیں