بھارت کے جئے پور میں دل کی نایاب بیماری میں مبتلا بچے کو ساڑے 17کروڑ کا انجکشن لگایا گیا۔
غیر ملکی ذرائع ابلاغ کے مطابق بچے کے علاج کے لئے رقم کراؤڈ فنڈنگ کے ذریعے جمع کی گئی تھی، عام لوگوں کے ساتھ پولس محکمہ بھی معصوم بچے ہردیانش کی مدد کے لیے سامنے آگیا۔
Zolgensma انجکشن پیر کو امریکہ سے جے کے لون ہسپتال پہنچایا گیا۔ انجکشن لگانے سے قبل دل کے پری ٹیسٹ اور پیپر ورک مکمل کیا گیا۔
ڈاکٹرز نے بتایا کہ بچے کے دل میں انجکشن لگایا گیا ہے اور اگلے 24 گھنٹے ڈاکٹروں کی نگرانی میں رکھا جائے گا۔
ڈاکٹروں کے مطابق ریڑھ کی ہڈی کی پٹھوں کی ایٹروفی ایک جینیاتی بیماری ہے۔ اس کی وجہ سے کمر کے نیچے دل کا حصہ بالکل کام نہیں کر رہا تھا۔ وقت کے ساتھ ساتھ جسم میں بہت سی تبدیلیاں ہونے لگتی ہیں اور اس بیماری سے جان بھی جاسکتی ہے، بیماری کا علاج صرف 24 ماہ کی عمر تک ہوتا ہے۔
ہردیانش کے والد نریش شرما راجستھان پولیس میں سب انسپکٹر کے فرائض انجام دے رہے ہیں،جب ہردیانش کو پریشانی ہونے لگی تو اہل خانہ نے جے پور اور دہلی سمیت دیگر جگہوں کے ڈاکٹروں سے اس حوالے سے مشورہ لیا۔
دریں اثناء تحقیقات میں بیماری کا انکشاف ہوا تاہم خاندان کے حالات ایسے نہیں کہ بچے کا مزید علاج کروا سکیں۔
کراچی میں ٹائیفائیڈ ویکسینیشن مہم کا آغاز، ویکسین نہ لگوانے والے والدین کو خبردار کردیا گیا
اہل خانہ کو بتایا گیا کہ بچے کا علاج ممکن ہے مگر اس انجکشن کی قیمت تقریباً 17.5 کروڑ روپے تھی۔ ایسے میں پورا خاندان اب حکومت کے ساتھ ساتھ رضاکارانہ تنظیموں سے مدد کی توقع کر رہا تھا۔
