واشنگٹن : امریکی سینٹرفارڈیسیز اینڈ کنٹرول نے انکشاف کیا ہے کہ خطرناک بھارتی وائرس لوگوں میں خسرے کی طرح تیزی سے پھیلتا ہےاور اس سے ویکسی نیشن کروانے والے افراد بھی متاثر ہوتے ہیں۔
تفصیلات کے مطابق امریکی سینٹرفارڈیسیز اینڈ کنٹرول کی جانب سے دستاویزات میں کہا گیا ہے کہ بھارتی وائرس ویکسی نیٹڈ افراد میں بھی تیزی سےپھیلتا ہے اور اس وائرس سے متاثرایک شخص 8 افرادمیں وائرس منتقل کرسکتاہے۔
امریکی حکام نے انکشاف کیا کہ بھارتی وائرس لوگوں میں خسرے کی طرح تیزی سےپھیلتاہے جبکہ جس تیزی سے کورونا ویکسی نیشن کروانے والے افراد پھیلتا ہے ، اتنی ہی تیزی سے ویکسی نیشن نہ کروالے والے افراد میں بھی پھیلتا ہے۔
خیال رہے کہ کوروناوائرس کی بھارتی قسم ڈیلٹا دنیا بھر میں تیزی سے پھیل رہی ہے، امریکی ماہرین نے خدشہ ظاہر کیا ہے کہ اکتوبر تک وبا سے مزید60ہزار افراد کی ہلاکت کاخدشہ ہے۔ حکام نے زور دیا ہے کہ شہری بڑھ چڑھ کر ویکسینیشن کے عمل کا حصہ بنیں۔
امریکا میں کوروناویکسین لگوانا لازمی قرار دیے جانے پر غور کیا جارہا ہے، ایک رپورٹ کے مطابق امریکا میں 99فیصد کورونا مریض وہ ہیں جنہوں سے ویکسین نہیں لگائی۔
