افغان پناہ گزینوں کی پاکستان سے برطانیہ روانگی کل سے شروع ہوگی، خصوصی چارٹرڈ پروازوں کے ذریعے انھیں بھیجا جائے گا۔
تفصیلات کے مطابق پاکستان میں موجود افغان پناہ گزینوں کی برطانیہ میں آباد کاری کے لیے ان کی یہاں سے روانگی کا آغاز26 اکتوبر سے ہوگا۔ افغان پناہ گزینوں کا انخلا 12 خصوصی چارٹرڈ پروازوں کے ذریعے ہوگا۔
سی اے اے کا کہنا ہے کہ 2 ہزار پناہ گزینوں کو چارٹرڈ پروازوں کے ذریعے برطانیہ روانہ کیا جائے گا۔
- Advertisement -
سول ایوی ایشن حکام نے بتایا کہ چارٹرڈ پروازوں کا آپریشن دسمبر تک جاری رہے گا۔ ہفتہ وار ایک پرواز برطانیہ روانہ ہوا کرے گی۔
جمعرات 26 اکتوبر کو پہلی پرواز 200 افغان پناہ گزینوں کو لے کر روانہ ہوگی۔ اسلام آباد ایئرپورٹ پر خصوصی انتظامات کیے جارہے ہیں۔
