The news is by your side.

Advertisement

کرکٹ کی ترقی: پی سی بی نے 5 سالہ حکمت عملی پیش کر دی

لاہور: کرکٹ کے کھیل کی ترقی و خوش حالی کے لیے پاکستان کرکٹ بورڈ نے 5 سالہ حکمت عملی کی رونمائی کر دی ہے۔

تفصیلات کے مطابق پی سی بی نے کرکٹ سے متعلق اپنی پانچ سالہ حکمت عملی پیش کر دی ہے، کرکٹ بورڈ کا کہنا ہے کہ ان پانچ برسوں میں احتساب، شفافیت، اصولوں اور پیشہ ورانہ مہارت کا کردار کلیدی ہوگا۔

پی سی بی کے مطابق حکمت عملی میں پائیدار کارپوریٹ گورننس، انٹرنیشنل معیار کی ٹیموں کی فراہمی کے نکات شامل کیے گئے ہیں، گراس روٹ اینڈ پاتھ ویز فرم بھی پی سی بی کے اہم نکات میں شامل ہیں۔

خواتین کرکٹ سے آئندہ نسلوں کو متاثر کرنا، کمرشل آمدن کے ذرائع بڑھانا اور عالمی سطح پر پاکستان کا تشخص بہتر کرنا بھی حکمت عملی کا حصہ بنایا گیا ہے۔

قومی کرکٹ ٹیم کی انگلینڈ روانگی کا شیڈول تیار

پی سی بی کا کہنا ہے کہ بورڈ آف گورنرز اس حکمت عملی کی منظوری دے چکا ہے، حکمت عملی کا عنوان ‘ہماری قوم کو متاثر اور متحد کرنے کا 5 سالہ منصوبہ’ رکھا گیا ہے، چیف ایگزیکٹو پی سی بی وسیم خان کا کہنا تھا کہ ان مقاصد پر عمل کے لیے جامع ٹریکنگ سسٹم متعارف کرایا جائے گا۔

دریں اثنا، وزیر اعظم عمران خان سے چیئرمین پی سی بی آج ملاقات کریں گے، اور کرکٹ، کرکٹ بورڈ کے معاملات پر وزیر اعظم کو بریفنگ دیں گے، پاکستان ٹیم کے دورہ انگلینڈ کے حوالے سے وزیر اعظم کو بریف کیا جائے گا، پی سی بی میں ہونے والی تبدیلیوں سے متعلق بھی وزیر اعظم کو بتایا جائے گا۔

Comments

یہ بھی پڑھیں