نئی دہلی: بھارتی ٹیم کے سابق کپتان مہندرا سندھ دھونی کی 5 سالہ بیٹی کو ریپ کی دھمکیاں دی جانے لگیں۔
تفصیلات کے مطابق انڈین پریمیئر لیگ (آئی پی ایل) میں کولکتہ نائٹ رائڈرز سے شکست کے بعد چنئی سپر کنگ کے کپتان مہندرا سنگھ دھونی کی بیٹی کو ریپ کی دھمکیاں دی جانے لگیں۔
چند روز قبل چنئی سپر کنگ کو شاہ رخ خان کی ٹیم کے کے آر سے 10 رنز سے شکست کا سامنا کرنا پڑا تھا جس کے بعد سے دھونی کی بیٹی کو جنسی زیادتی کا نشانہ بنانے کی دھمکیاں دی جارہی ہیں۔
چنئی سپر کنگز ایونٹ میں کوئی خاطرہ خواہ کارکردگی نہیں دکھا سکی اور 6 میں 4 میچوں میں شکست کا سامنا کرنا پڑا ہے۔
بھارتی میڈیا رپورٹس کے میچ ہارنے کے بعد دھونی کی بیٹی کو زیادتی کا نشانہ بنانے کی دھمکی سماجی رابطے کی ویب سائٹ انسٹٓاگرام پر دی گئی ہے۔
دھونی کی 5 سالہ بیٹی کو زیادتی کا نشانہ بنانے کی دھمکیوں پر سوشل میڈیا صارفین نے شدید غم و غصے کا اظہار کیا ہے۔
خیال رہے کہ بھارت میں خواتین اور کمسن بچیوں سے زیادتی کے واقعات میں تشویشناک حد تک اضافہ ہوگیا ہے اور پے در پے واقعات کے بعد کئی ممالک نے خواتین کو بھارتی دارالحکومت میں اکیلے سفر سے منع کیا کررکھا ہے۔
