سویلین کے فوجی عدالتوں میں ٹرائل کیخلاف درخواست پر ڈائری نمبر الاٹ کر دیا گیا۔ سپریم کورٹ رجسٹرارآفس نے درخواست پر ڈائری نمبر 14180 الاٹ کیا۔
درخواست میں سویلین کے فوجی عدالتوں میں ٹرائل غیرآئینی قرار دینے کی استدعا کی گئی ہے۔ سینئر قانون دان اعتزازاحسن کی جانب سے لطیف کھوسہ اور سلمان اکرم درخواست کی پیروی کریں گے۔
درخواست کے مطابق وفاقی حکومت کا فوجی عدالتوں میں ٹرائل کافیصلہ کالعدم قرار دیا جائے حکومت نے کورکمانڈر کے فیصلے پر ربر اسٹمپ کا کردار ادا کیا سویلین کاٹرائل آرمی ایکٹ کے سیکشن 2 اور 59 آئین سے متصادم ہیں۔
درخواست میں کہا گیا ہے کہ آرمی ایکٹ قانون کے سیکشن 2 اور 59کو کالعدم قرار دیاجائے آرمی ایکٹ کا سیکشن 94 اور 1970 کے رولز غیرمساوی ہیں سیکشن 94اور رولز کا بھی غیرآئینی قرار دیا جائے، اےٹی سی ملزمان کو عسکری حکام کےحوالےکرنےکا فیصلہ کالعدم قرار دیا جائے۔
