The news is by your side.

Advertisement

اگلے گریڈ پر ترقی کے لیے کورس، مرحوم پولیس افسر کو بھی بلا لیا گیا

کراچی: اسٹیبلشمنٹ ڈویژن نے اگلے گریڈ پر ترقی کے لیے منعقدہ کورس میں کراچی کے ایک مرحوم پولیس افسر کو بھی بلا لیا۔

تفصیلات کے مطابق وفاقی حکومت نے ایم سی ایم کورس کے لیے ملک بھر سے افسران کے انتخاب کے لیے افسران کی فہرست مرتب کی ہے، جس میں ایک مرحوم پولیس افسر کا بھی شامل کر لیا گیا ہے۔

آئی جی سندھ آفس اور اسٹیبشلمنٹ ڈویژن نے فہرست مرتب کرنے میں واضح طور پر غفلت برتی، مرحوم ایس ایس پی حسیب افضل بیگ کا انتقال چند ماہ قبل ہو چکا ہے۔

آئی جی سندھ آفس نے بھی وفاقی حکومت کی فہرست کو دیکھنا گوارہ نہ کیا، خیال رہے کہ اگلے گریڈ پر ترقی کے لیے کورس کل سے لاہور میں شروع ہوگا۔

یہ بھی پڑھیں:  سندھ پولیس کے 163 اہل کاروں کے نام یو این امن مشن کے لیے فائنل

اسٹیبلشمنٹ ڈویژن کا کورس 22 جولائی تک جاری رہے گا، چند ماہ بعد ریٹائر ہونے والے ایس پی کو بھی کورس پر جانے کا حکم مل گیا ہے، دل چسپ امر یہ ہے کہ کورس کے اختتام پر مذکورہ ایس پی ریٹائر ہو جائیں گے۔

یاد رہے کہ سابق ایس ایس پی ٹھٹھہ حاجی حسیب افضل بیگ گزشتہ برس دسمبر میں ہارٹ اٹیک سے کراچی کے ایک نجی اسپتال میں انتقال کر گئے تھے۔

Comments

یہ بھی پڑھیں