اے آر وائی ڈیجیٹل کے ڈرامہ سیریل ’دل ویراں‘ کی گزشتہ قسط کا سین مداحوں کو بھا گیا۔
ڈرامہ سیریل دل ویراں میں حسن خان (حیدر)، نوال سعید (منہل)، شہروز سبزواری (طلال)، راشد فاروقی (طلال کے والد) سیمی پاشا (زاہدہ) حنا رضوی (طلال کی والدہ)، صبیحہ ہاشمی (منہل کی آنٹی) کا کردار نبھا رہی ہیں۔
گزشتہ 51ویں قسط میں دکھایا گیا کہ منہل کی شادی طلال سے ہونے کے بعد حیدر منہل کی نند کا رشتہ مانگنے ان کے گھر پہنچ گئے۔
حیدر منہل کی ساس سے کہتے ہیں کہ ’آنٹی میں اور امی آپ لوگوں سے کچھ مانگنے آئے ہیں۔‘ یہ سن کر منہل حیدر کی طرف دیکھنے لگتی ہیں۔
لیکن حیدر اپنی بات جاری رکھتے ہوئے کہتے ہیں کہ ’میں حفصہ کو بہت پسند کرتا ہوں اور اس سے شادی کرنا چاہتا ہوں۔‘
حیدر مزید کہتے ہیں کہ ’میں آج ہی آپ لوگوں کا جواب بھی سننا چاہتا ہوں۔‘
طلال کے والد اور والدہ کہتے ہیں کہ ’بیٹا یہ تو ہماری خوش نصیبی ہے تم جیسا نیک لڑکا ہمارے گھر کا داماد بنے اس پر ہمیں کوئی اعتراض نہیں ہے۔‘
طلال والد کو روکتے ہوئے کہتے ہیں کہ ’حیدر تم نے جو کہنا تھا ہم نے سن لیا ہے اب ہمیں بھی سوچنے کا تھوڑا موقع دو۔‘
کیا حیدر اور حفصہ کی شادی ہوجائے گی یا پھر طلال کو منہل اور حیدر کی محبت کا پتا چل جائے گا؟ یہ سب جاننے کے لیے ڈرامہ سیریل ’دل ویراں‘ کی اگلی قسط دیکھنا نہ بھولیں۔
