لاہور : پنجاب میں پیپلزپارٹی اور ن لیگ میں وزارتوں کی تقسیم پر معاملات طے نہ ہوسکے ، پیپلزپارٹی پنجاب میں وزارت خزانہ، قانون، تعلیم، ریونیو کی خواہشمند ہے۔
تفصیلات کے مطابق پنجاب میں پیپلزپارٹی اور ن لیگ میں وزارتوں کی تقسیم پراتفاق رائے نہ ہو سکا، ذرائع نے بتایا ہے کہ پیپلزپارٹی پنجاب میں اہم وزارتیں لینے کی خواہاں ہے۔
ذرائع کا کہنا تھا کہ پی پی سے معاملات طے نہ ہونے پر پنجاب کابینہ کی تشکیل میں تاخیر ہورہی ہے ، پیپلزپارٹی پنجاب میں وزارت خزانہ کی خواہشمند ہے۔
پی پی ذرائع نے کہا ہے کہ ن لیگ وزارت خزانہ پیپلزپارٹی کو دینے سےتاحال انکاری ہے جبکہ پیپلزپارٹی پنجاب میں وزارت قانون، ریونیو اور تعلیم کی خواہشمند ہے جبکہ ن لیگ وزارت قانون، تعلیم، ریونیواپنےپاس رکھنے کی خواہشمند ہے۔
ذرائع کے مطابق آصف زرداری وزارتوں کےمعاملات طےکرانے کے لیے لاہور پہنچے ہیں، جس کے بعد پنجاب میں وزارتوں کی تقسیم کے معاملے پر آج اہم پیشرفت کا امکان ہے۔