عالمی نمبر ایک سربیا کے نوواک جوکووچ نے میڈرڈ اوپن ٹینس ٹورنامنٹ کے سیمی فائنل کے لیے کوالیفائی کرلیا۔
میڈرڈ میں کھیلے جانے والے ایونٹ کے کوارٹر فائنل میں نوواک جوکووچ کا مقابلہ کینیڈا کے میلاس راؤنچ سے تھا۔ سرب کھلاڑی نے کھیل کے آغاز سے ہی حریف کھلاڑی کو دباؤ میں رکھا اور پہلا سیٹ 3-6 سے جیت کر برتری حاصل کی۔
دوسرے سیٹ میں بھی جوکووچ چھائے رہے۔ سرب کھلاڑی نے راؤنچ کی سروس بریک کی اور 4-6 سے کامیابی حاصل کرتے ہوئے آخری 4 کھلاڑیوں میں جگہ بنالی۔
