کراچی: نارتھ ناظم آباد بلاک ایل میں سرکاری نرسری منظم گٹکا مافیا کو ٹھیکے پر دینے والے سے متعلق گرفتار ملزمان نے سنسنی خیز انکشاف کیا ہے۔
اے آر وائی نیوز کے مطابق گزشتہ روز کراچی کے علاقے نارتھ ناظم آباد بلاک ایل میں ٹاسک فورس نے تیموریہ پولیس کے ہمراہ چھاپہ مار کر بھاری مقدار میں گٹکا اور چھالیہ برآمد کیے تھے اور 8 ملزمان کو گرفتار کیا تھا۔
تیموریہ تھانے میں سرکاری ملازم کامران سمیت 8 افراد کے خلاف مقدمہ درج کیا ہے تاہم ملزمان نے اہم انکشاف کیا کہ گٹکا بنانے کیلئے ڈی ایم سی کی نرسری دینے والا ڈی ایم سی کا ملازم کامران ہی ہے۔
پولیس کا کہنا ہے کہ مشتاق چماچی اور فرحان ٹینشن گٹکا ماوے کا کارخانہ چلارہے تھے، نرسری سے تیار گٹکا ماوا اور 300 کلو کے قریب چھالیہ برآمدکی گئی تھی، گرفتار ملزمان نے بتایا کامران نامی شخص نے جگہ فراہم کی تھی۔
پولیس کا بتانا ہے کہ ملزمان کے مطابق کامران ڈی ایم سی نیوکراچی کا ملازم ہے، نرسری پر گٹکا کارخانہ بنانے سے کسی کو شک نہیں ہوتا، پولیس کا کہنا ہے کہ جاننے کی کوشش کر رہے ہیں کامران کو کتنا حصہ ملتا تھا۔
