پنجاب کے ضلع ساہیوال میں مریض کے گانے پر ڈاکٹر کے ڈانس کی ویڈیو سوشل میڈیا پر مقبول ہو گئی۔
مریض اور ڈاکٹر کی خوشگوار ویڈیو سوشل میڈیا صارفین کو پسند آئی اور اب یہ مختصر ویڈیو وائرل ہو گئی ہے جس پر لوگ اپنے اپنے انداز میں تبصرے کررہے ہیں۔
معائنے کے دوران ڈاکٹر نے مریض سے اس کے پیشے سے متعلق پوچھا تو اس نے بتایا کہ وہ گلوکار ہے اور گانے گاتا ہے جس پر ڈاکٹر نے پیشکش کی کہ اگر وہ گانا سنا دیں تو اس سے فیس نہیں لی جائے گی۔
#Video A patient came to the clinic of Dr. Ghazanfar Bukhari in Sahiwal. The doctor asked about the profession of the patient, who informed that he was a singer. The doctor offered him free prescription, if he would sing a song for him, patient sang and the doctor started dancing pic.twitter.com/5HwpILvLbE
— Ghulam Abbas Shah (@ghulamabbasshah) September 30, 2021
مریض نے سریلی آواز میں گانا شروع کیا تو ڈاکٹر اپنی نشست سے کھڑے ہوگئے اور بے ساختہ ڈانس کرنے لگے۔ جب تک مریض گانا سناتا رہا ڈاکٹر ڈانس کرتے رہے اور سریلی آواز سے خوب محضوظ ہوئے۔
ڈاکٹرغضنفر ڈانس کے ساتھ تالیاں بجا کر مریض کو گانے پر داد دیتے رہے اور ویڈیو کے اختتام پر بھی انہوں نے مریض کے لیے تالیاں بجائیں۔
