The news is by your side.

ویڈیو: کتے کو گاڑی سے باندھ کر گھسیٹنے والا ڈاکٹر گرفتار

بھارت میں ایک ظالم ڈاکٹر نے پالتو کتے کو اپنی کار سے باندھ کر گھسیٹا جس کے نتیجے میں معصوم جانور کو شدید چوٹیں آئیں اور اس کی ایک ٹانگ فریکچر ہوگئی۔

میڈیا رپورٹس کے مطابق یہ واقعہ راجھستان کے شہر جودھ پور میں پیش آیا جس کی ویڈیو سوشل میڈیا پر گردش کر رہی ہے۔

پولیس کے مطابق ملزم کی شناخت رجنیش گوالا کے نام سے ہوئی ہے جو راجستھان کے سرکاری اسپتال میں پلاسٹک سرجن ہے، اس کے خلاف جانوروں کے ساتھ ظالمانہ سلوک کرنے کی دفعات کے تحت مقدمہ درج کر کے گرفتار کرلیا گیا۔

کتے کو گاڑی سے باندھ کر گھسیٹنے کے دوران سڑک پر موجود لوگوں نے اس منظر کی ویڈیو بنا کر سوشل میڈیا پر ڈال دی جس کے بعد پولیس ایکشن میں آئی۔

سوشل میڈیا صارفین کی جانب سے ڈاکٹر کے خلاف سخت قانون کارروائی اور ملزم کو سزا دینے کا مطالبہ کیا جا رہا ہے۔

Comments

یہ بھی پڑھیں