کراچی : انٹربینک میں ڈالر 169 روپے کی سطح بھی عبور کرگیا ، ایک دن میں ڈالر 56 پیسے مہنگا ہوکر 169.6 کی ریکارڈ سطح پر جا پہنچا۔
تفصیلات کے مطابق کرنسی مارکیٹس میں ڈالر کے مقابلے روپے کی بے قدری کا سلسلہ جاری ہے، آج بھی انٹربینک اور اوپن مارکیٹ میں ڈالر کی قدر میں اضافہ ریکارڈ کیا گیا۔
کاروباری ہفتے کے تیسرے دن بھی انٹربینک میں ڈالر 56 پیسے مہنگا ہوا اور 169 روپے کی سطح بھی عبور کرگیا ، جس کے بعد انٹر بینک میں ڈالر 169.6 روپے کی نئی بلند سطح قائم کردی۔
یاد رہے رواں سال:7 مئی 2021 کو انٹربینک میں ڈالر 152.28 روپے پر بند ہوا تھا اور چار ماہ میں ڈالر17 روپے 22 پیسے مہنگا ہوچکا ہے۔
گذشتہ ہفتے اوپن مارکیٹ میں ڈالر 80 پیسے مہنگا ہوا، جس کے بعد ڈالر 167.09 سے بڑھ کر 168.70 روپے کا ہوگیا ہے جب کہ انٹربینک مارکیٹ ڈالر کی قدر میں 1 روپے 11 پیسے کا اضافہ ہوا۔
خیال رہے حکومت معیشت کو مشکلات سے نکالنے کے دعوے کر رہی ہے تاہم اس دوران ملکی کرنسی تنزلی کی طرف جا رہی ہے, گزشتہ چند روز کے دوران روپے کے مقابلے میں امریکی ڈالر تیزی سے بلندی کی طرف جانب گامزن ہے۔
