آئی سی سی مینز ٹی ٹوئنٹی ورلڈ کپ 2024 کے میچز کی میزبانی سے ویسٹ انڈیز کا رکن ملک ڈومینیکا دستبردار ہوگیا۔
آئی سی سی نے ٹی ٹوئنٹی ورلڈ کپ 2024 کے لیے ویسٹ انڈیز کے 7 اور امریکا کے 3 وینیوز کا اعلان کیا تھا، ویسٹ انڈیز کے رکن ملک ڈومینیکا کو پہلے راؤنڈ کے ایک اور سپر 8 کے دو میچز کی میزبانی کرنا تھی۔
ڈومینیکا کی حکومت نے اس حوالے سے وضاحت دیتے ہوئے کہا کہ تیاری مکمل نہ ہونے کی وجہ سے ایونٹ سے دستبردار ہو رہے ہیں، ورلڈ کپ کے لیے وقت پر انفرا اسٹرکچر تیار نہیں کرسکتے۔
یاد رہے کہ 2024 میں ہونے والا ٹی ٹوئنٹی ورلڈکپ اس فارمیٹ کا نواں ٹورنامنٹ ہوگا جس کی میزبانی ویسٹ انڈیز اور امریکا کو کرنی ہے۔
اس ایونٹ میں 20 ٹیموں شامل ہوں گی جنہیں 5، 5 ٹیموں کے چار گروپوں میں تقسیم کیا جائے گا، ہر گروپ سے ٹاپ 2 سپر 8 کے لیے کوالیفائی کریں گی۔
قومی کرکٹ ٹیم آسٹریلیا کے دورے کیلئے سڈنی پہنچ گئی
اس کے بعد 4، 4 کے 2 گروپس میں سے ٹاپ دو، دو ٹیمیں سیمی فائنل میں جگہ بنائیں گی۔یہ ایونٹ 4 جون سے 30 جون تک کھیلا جائے گا جس میں مجموعی طور پر 55 میچز کھیلے جائیں گے۔
