The news is by your side.

Advertisement

خاکےمیں دکھائے گئے شخص کا وجود ہی نہیں ہے، ڈونلڈ ٹرمپ

واسنگٹن : امریکی صدر ڈونلڈ ٹرمپ نے اداکارہ کو دھمکیاں دینے والے شخص کے خاکے کو مسترد کرتے ہوئے کہا ہے کہ ’خاکہ صرف دھوکہ دہی ہے اور ایسے کسی شخص کا کوئی وجود ہی نہیں ہے‘۔

تفصیلات کے مطابق امریکا سے تعلق رکھنے والی فلم اداکارہ اسٹورمی ڈئنیل نے امریکی نشریاتی ادارے سے خصوصی گفتگو کرتے ہوئے کہا ہے کہ سنہ 2011 میں لاس ویگاس کی کار پارکنگ میں انہیں دھمکیاں دی گئی تھی، جب وہ اپنی شیر خوار بچی کے ساتھ تھی۔

ان کا کہنا تھا کہ ’ایک شخص نے میرے پاس آکر کہا کہ ’ٹرمپ کو تنہا چھوڑ دو اور اس واقعے کو بھول جاؤ‘ اس کے بعد میری بیٹی کی جانب متوجہ ہوا اور کہا  کہ ’کتنی خوبصورت بچی ہے کتنے شرم کی بات ہوگی اگر اس کی ماں کو کچھ ہوجائے‘۔

اداکارہ اسٹورمی ڈئنیل اور ان کے وکیل مائیکل ایوناٹّی نے لاس ویگاس میں دھمکیاں دینے والے شخص کا خاکہ تیار کروا کے اعلان کیا ہے کہ مطلوبہ شخص کے بارے میں معلومات فراہم کرنے والے کو 1 لاکھ ڈالر کی خطیر رقم انعام میں دی جائے گی۔ جبکہ اگلے ہی روز انہوں نے رقم میں 31 ہزار ڈالر کا اضافہ کرتے ہوئے رقم 1لاکھ 31 ہزار ڈالر کر دی۔

یاد رہے کہ ٹرمپ کے وکیل مائیکل کوہن کی جانب سے سنہ 2016 میں صدارتی انتخابی مہم کے دوران اسٹورمی کو 1 لاکھ 31 ہزار ڈالر دیئے ٹرمپ سے تعلقات چھپانے کے لیے دیئے گئے تھے۔


اسٹورمی ڈینئیلزکو ٹرمپ سے تعلقات خفیہ رکھنے پرخطیررقم ادا کی، مائیکل کوہن کا انکشاف


دوسری جانب امریکی صدر ڈونلڈ ٹرمپ نے سماجی رابطے کی ویب سایٹ ٹویٹر پر ٹویٹ کے ذریعے اداکارہ کی جانب سے دھمکیاں دینے والے شخص کا بنوایا گیا خاکہ مسترد کردیا ہے۔

ڈونلڈ ٹرمپ نے دعویٰ کیا ہے کہ خاکے محض دھوکہ دہی کے سوا کچھ نہیں ہے، خاکے میں دکھایا گیا شخص وجود ہی رکھتا ہے۔

امریکی صدر ڈونلڈ ٹرمپ نے طویل خاموشی کے بعد اداکارہ اسٹورمی اور اپنے تعلقات پر لب کشائی کی ہے۔

خیال رہے کہ اداکارہ اسٹورمی ڈینئل جن کا اصل نام اسٹیفنی کلفّورڈ ہے، انہوں نے دعویٰ کیا تھا کہ صدرٹرمپ اور ان کے درمیان سنہ 2006 میں ناجائز تعلقات تھے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں