واشنگٹن : امریکی صدر ڈونلڈ ٹرمپ کا کہناہےکہ شمالی کوریا کے معاملے پر ان کے صبر کا پیمانہ اب لبریز ہو گیا ہے۔
تفصیلات کےمطابق سماجی رابطے کی ویب سائٹ ٹویٹر پر امریکی صدر ڈونلڈ ٹرمپ نے اپنے پیغام میں کہاکہ کہ شمالی کوریا کو اب جواب دینے کا وقت آگیا ہے۔
وائٹ ہاؤس میں جنوبی کوریا کے صدر مون ژئی ان کےساتھ پریس کانفرنس سے خطاب کرتے ہوئے امریکی صدر نے کہا کہ ہم سب کو ایک لاپرواہ اور بے رحم حکومت سے خطرہ ہے۔
The era of strategic patience with the North Korea regime has failed. That patience is over. We are working closely with…. pic.twitter.com/nCZ51HnIdx
— Donald J. Trump (@realDonaldTrump) June 30, 2017
امریکی صدر کا یہ بیان ایک ایسے وقت میں سامنے آیا ہے جب چین نے شمالی کوریا کے کالے دھن کو سفید کرنے کے امریکی الزام کے بعد اس کے بینک پر امریکی پابندیاں عائد کرنے کے فیصلے پر ناراضی کا اظہار کیا ہے۔
دوسری جانب جنوبی کوریا کے صدر مون ژئی ان نے کہا کہ اس بات کی ضرورت ہے کہ شمالی کوریا کے رہنماؤں سے گفتگو جاری رہے۔ انہوں نے ساتھ ساتھ یہ بھی کہا کہ جنوبی کوریا اپنے دفاع کے لیے اقدامات اٹھاتا رہے گا۔
شمالی کوریا سےبڑی جنگ چھڑسکتی ہے‘ڈونلڈ ٹرمپ
واضح رہےکہ رواں برس اپریل میں امریکی صدر ڈونلڈ ٹرمپ کاکہنا تھا کہ شمالی کوریاسے بڑی جنگ بھی چھڑسکتی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
